Sunday, November 25, 2007

Vula i NUQA LEVU (Janueri)

E dau gauna ni uca ka dau gauna tale ga ni cagilaba.

Veika e dau yaco e Vanua kei na i Teitei
E dau lou na were, karusa na i vakada ka tabu ni lakovi ni suasua na qele de karaka na uvi. E dau lelevu na vuata, matua na uto ka sa via oti mai na maqo. E dau dreu na dawa kei na wi ka se na ivi. E dau levu sara na i saluwaki ka dreu tale ga na misimisi. E dau se na lagakali, bua kei na caucau.

Veika e dau yaco e Waidranu kei na Waitui
E dabi na lairo damu me dere neke i waitui ka tobotobo rawarawa ena bogi buto. E dau levu sara na nuqa kei na ki ka dau katoa na kena ba. E dau gauna tale ga ni vakasucu na qio. E dau rai na matadra ni vidi na sinu. E dau matua na kuku, kolakola kei na kaikoso. E dau yati na vivili me vaka na madrali, bosucu kei na tadruku. E dau kunei ni ni gaga e so na mataqali ika.
E na qai vakuri tale yani.....Fijituwawa.com Research Team